पद्यश्री साधना सम्मान बैरागी काइँला र पद्यश्री साहित्य पुरस्कार निलमलाई

पद्यश्री साधना सम्मान बैरागी काइँला र पद्यश्री साहित्य पुरस्कार निलमलाई

शनिबार, २९ असोज २०७३। यस बर्षको पद्यश्री साधना सम्मानबाट साहित्यकार बैरागी काइलालाई र पद्यश्री साहित्य पुरस्कार चिरहरण उपन्यासका लागि नीलम कार्की निहारिकालाई प्रदान गरिएको छ।   शनिबार एक समारोहका बीच खेमलाल हरिकला लामिछाने समाज कल्याण प्रतिष्ठानले सम्मानपत्र र जनही २ लाख रुपैयाँ  साहित्यकार द्वयलाई प्रदान गरेको हो ।

दुई लाख रुपैयाँ राशिको पुरस्कार हरेक वर्ष कोजाग्रत पूर्णिमाको दिन अर्पण गरिन्छ । दुवै पुरस्कार भदौको तेस्रो साता घोषणा गरिएको थियो । यस वर्षको उत्कृष्ट पाँचको सूचीमा रामलाल जोशीको ‘ऐना’, कुमार नगरकोटीको ‘मिस्टिका’, भूपीनको ‘सुप्लाको हवाईजहाज’ र गिरीश गिरीको ‘वीरगञ्ज’ परेका थिए ।

पद्यश्री साधन सम्मानबाट सम्मानित बैरागी काइला आयामेली कविका रुपमा चिनिन्छन्। काइला नेपाल प्रज्ञा- प्रतिष्ठानको कुलपति समेत भएका थिए। उनी किराँत लिम्बू भाषा, संस्कृति र इतिहासको  अध्यान अनुसन्धानमा समेत संलग्न छन्।आयामेली अभियान मार्फत नेपाली साहित्यलाई नयाँ उचाइ दिएका र पछिल्लो समय लिम्बू समाजको सांस्कृतिक अन्वेषणमा समेत योगदा पुर्‍याएबापत उनलाई खेमलाल हरिकला लामिछाने समाज कल्याण प्रतिष्ठानले यस वर्षको पद्मश्री सम्मान दिएको हो ।

यस्तै पद्यश्री साहित्य पुरस्कारबाट सम्मानित निहारिका उपन्यास, कथा र कविता लेखनमा सक्रिय छन्।  महाभारतकालीन नारीले भोगेका दु:ख, कष्ट, अन्याय, विभेद र अनिश्चततालाई आजका नारीको कोणबाट प्रस्तुत गरिएको कृति ‘चीरहरण’ लाई २०७२ को उत्कृष्ट कृतिको रूपमा पुरस्कृत गरिएको हो । उनको उपन्यासमा द्वापर युगकी सत्यवतीदेखि द्रौपदीसम्मका नारी पात्रहरुको विश्लेषण आधुनिक युगको आँखाबाट गरिएको छ।

२०६३ मा स्थापित पुरस्कार र सम्मान सुरुमा मोफसलका स्रष्टाहरूलाई मात्रै दिइन्थ्यो । २०६६ देखि देशभरकै स्रष्टाहरूलाई दिइँदै आएको सम्मान र पुरस्कार यस वर्षदेखि विश्वव्यापी बनाइएको हो । ‘भूमण्डलीकरण र विश्वव्यापीकरणको यो युगमा हाम्रा सर्जकहरु विश्वको जुन कुनामा बसेर सिर्जना गरे पनि उनीहरु सम्मानको हकदार हुने प्रतिष्ठानका संरक्षक जीवा लामिछानेले बताए।

 

About Author

Science InfoTech

Science Infotech is an online Science News Portal.

Write a Comment

Only registered users can comment.